Tá figiúirí Scéim Labhairt na Gaeilge don scoilbhliain 2007/08 foilsithe anois ag an Aire Gnóthaí Pobail, Tuaithe agus Gaeltachta, Éamon Ó Cuív TD.
Rinne 3,455 teaghlach iarratas ar dheontas faoin Scéim don scoilbhliain - laghdú beag de 90 teaghlach ar an líon a rinne iarratas faoin Scéim i 2006/07.
De na hiarratais atá scrúdaithe go dtí seo – tá 88 iarratais le scrúdú fós - bhí titim bheag ar an líon a thuill deontas i gcomórtas leis an líon a thuill deontas don scoilbhliain 2006/07 agus ardú beag ar an lion a diúltaíodh an deontas dóibh.
“Is comhartha dóchais é do thodhchaí na Gaeltachta gur éirigh le formhór mór na 3,455 teaghlach a rinne iarratas faoi Séim Labhairt na Gaeilge deontas a fháil. Cruthaíonn sé seo go bhfuil léar mhór daoine óga sa Ghaeltacht atá báúil don teanga agus í acu go líofa,” a dúirt an tAire Ó Cuív.
| Gaeltacht | Iarratais | Deontas iomlán | Deontas laghdaithe | Diúltaithe | Le scrúdú fós |
|---|---|---|---|---|---|
| Corcaí | 176 | 73 | 78 | 24 | 1 |
| Ciarraí | 366 | 184 | 145 | 34 | 3 |
| Dún na nGall | 1187 | 721 | 357 | 87 | 22 |
| Gaillimh | 1294 | 1032 | 161 | 65 | 36 |
| Maigh Eo | 295 | 47 | 101 | 123 | 24 |
| An Mhí | 72 | 37 | 17 | 16 | 2 |
| Port Láirge | 65 | 34 | 28 | 3 | 0 |
| IOMLÁN | 3455 | 2128 | 887 | 352 | 88 |
Tá briseadh síos sonraithe (de réir toghroinn cheantair) ar fáil ón Oifig Eolais, 01 6473104 / eolas@pobail.ie.