Department of Community, Rural and Gaeltacht Affairs

11.10.06 Scéim Teanga aontaithe le Óglaigh na hÉireann

Tá an tAire Gnóthaí Pobail, Tuaithe agus Gaeltachta, Éamon Ó Cuív, T.D., tar éis an chéad scéim teanga de chuid Óglaigh na hÉireann a dheimhniú faoi alt 11 d’Acht na dTeangacha Oifigiúla 2003.

Is céim bhreise i seo chun seirbhísí a sholáthar do lucht labhartha na Gaeilge. Cuireann sé tús leis an bpróiséis chun na seirbhísí beachta trí Ghaeilge a bheidh ar fáil ó Óglaigh na hÉireann ar feadh tréimhse trí bliana agus leagan sé síos an bunús ar a dtógfar na seirbhísí sin thar roinnt scéimeanna. 

Áirítear leis na príomh-bhearta sa scéim:

• Beidh roinnt foirmeacha iarratais agus bileoga eolais á gcur ar fáil go dátheangach roimh dheireadh na scéime;
• Beidh suíomh idirlín Óglaigh na hÉireann go hiomlán dhátheangach chun an bealach a réiteach don chustaiméar;
• Beidh preas-eisiúintí á gcur ar fáil go dátheangach ó thús na scéime;
• Gealltanas tugtha i ndáil le seirbhísí duine ar dhuine i roinnt rannóga chun cabhrú leis an gcustaiméar;
• Gealltanas tugtha i ndáil le dáta ar a nglacfaidh ionaid traenála de chuid na nÓglach Cúltaca i gceantair Ghaeltachta leis an nGaeilge mar a dteanga oibre inmheánaigh;
• Beidh cúrsaí oiliúna á gcur ar fáil d’fhoireann chun a gcumas sa Ghaeilge a fheabhsú lena ligean do mhéadú sna seirbhísí a bhíonn ar fáil don phobal.

Mar b’amhlaidh le scéimeanna aontaithe eile, caithfear a admháil gur próiseas fadtéarmach é seo a cheadóidh d’fheabhsúchán um sheirbhísí ar bhealach aontaithe, pleanáilte thar tréimhse níos faide. Tá gach scéim a aontaíodh agus a foilsíodh ar fáil ar shuíomh idirlín an Choimisinéara Teanga ag www.coimisneir.ie. Tháinig an scéim seo i bhfeidhm ar an 1 Meán Fómhair 2006, agus beidh éifeacht léi ar feadh thréimhse 3 bliana.