Department of Community, Equality and Gaeltacht Affairs

08.04.08 Fógraíonn Ó Cuív beagnach €400,000 de mhaoiniú CLÁR le haghaidh Scéimeanna Beaga Uisce agus Séarachais Phoiblí i gCo. na Gaillimhe

Inniu, d'fhógair Éamon Ó Cuív T.D., an tAire Gnóthaí Pobail, Tuaithe agus Gaeltachta, go bhfuil maoiniú CLÁR ar luach €396,649 ceadaithe aige do 4 scéim bheag séarachais nó soláthair uisce poiblí i limistéir CLÁR i gContae na Gaillimhe.

Is iad seo a leanas na leithdháiltí:

• €38,649 do Scéim Soláthair Uisce Réigiúnach Bhéal Átha na Sluaighe (TC Míleac)
• €136,507 do Scéim Soláthair Uisce Réigiúnach Bhéal Átha na Sluaighe (ED Tuaim Catraí, Cluain Tuaiscirt).
• €165,461 do Scéim Soláthair Uisce Poiblí an Chreagáin (TC An Clochar, Cill Rórain).
• €56,032 do Scéim Soláthair Uisce Poiblí Leitir Fraic (TC Rinn Mhaoile).

Fágann seo go bhfuil maoiniú CLÁR ceadaithe do 10 scéim bheag uisce poiblí agus séarachais i gContae na Gaillimhe faoin scéim seo ó 2002 go dtí seo.  Beifear ábalta oibreacha ar fiú €793,298 iad a chur i gcrích.

Tá maoiniú reatha CLÁR do scéim bheag uisce agus séarachais phoiblí i limistéar CLÁR mar seo a leanas:

• Uasmhéid 50% ó CLÁR.
• Uasmhéid 25% ó leithdháileadh scéimeanna beaga uisce agus séarachais na Roinne Comhshaoil, Oidhreachta agus Rialtais Áitiúil.
• Ar a laghad 25% ón Údarás Áitiúil agus/nó ó Ranníocaíocht Phríobháideach.

Ciallóidh seo go mbeifear ábalta go leor scéimeanna beaga uisce agus séarachais poiblí a fhorbairt faoin gclár i mbailte agus i sráidbhailte beaga i limistéir CLÁR.