Department of Community, Equality and Gaeltacht Affairs

08.04.08 Fógraíonn Ó Cuív €122,000 de mhaoiniú CLÁR le haghaidh Scéimeanna Beaga Uisce agus Séarachais Phoiblí i gCo. Chiarraí

Inniu, d'fhógair Éamon Ó Cuív T.D., an tAire Gnóthaí Pobail, Tuaithe agus Gaeltachta, go bhfuil maoiniú CLÁR ar luach €122,000 ceadaithe aige do 4 scéim bheag séarachais nó soláthair uisce poiblí i limistéir CLÁR i gContae Chiarraí.

Is iad seo a leanas na leithdháiltí:

• €14,000 do Scéim Bheag Uisce Poiblí Bhaile an Mhuilinn (TC Baile an Mhuilinn)
• €25,000 do Scéim Bheag Uisce Poiblí Chinn Aird (TC Bhaile an Sceilg).
• €33,000 do Scéim Bheag Uisce Poiblí An Ghaeltacht (ED Gleann, Marthoin, An Daingean & Cill Maoilcheadáir).
• €50,000 do Sandhill Rd, Scéim Bheag Uisce Poiblí Bhaile Uí Thaidhg (TC Baile Uí Thaidhg).

Fágann seo go bhfuil maoiniú CLÁR ceadaithe do 52 scéim bheag uisce poiblí agus séarachais i gContae Chiarraí faoin scéim seo ó 2002 go dtí seo.  Beifear ábalta oibreacha ar fiú €244,000  iad a chur i gcrích.

Tá maoiniú reatha CLÁR do scéim bheag uisce agus séarachais phoiblí i limistéar CLÁR mar seo a leanas:

• Uasmhéid 50% ó CLÁR.
• Uasmhéid 25% ó leithdháileadh scéimeanna beaga uisce agus séarachais na Roinne Comhshaoil, Oidhreachta agus Rialtais Áitiúil.
• Ar a laghad 25% ón Údarás Áitiúil agus/nó ó Ranníocaíocht Phríobháideach.

Ciallóidh seo go mbeifear ábalta go leor scéimeanna beaga uisce agus séarachais poiblí a fhorbairt faoin gclár i mbailte agus i sráidbhailte beaga i limistéir CLÁR.