08.04.08 Fógraíonn Ó Cuív beagnach €730,000 de mhaoiniú CLÁR le haghaidh Scéimeanna Beaga Uisce agus Séarachais Phoiblí i gCo. Chorcaí
Inniu, d'fhógair Éamon Ó Cuív T.D., an tAire Gnóthaí Pobail, Tuaithe agus Gaeltachta, go bhfuil maoiniú CLÁR ar luach €729,969 ceadaithe aige do 11 scéim bheag séarachais nó soláthair uisce poiblí i limistéir CLÁR i gContae Chorcaí.
Is iad seo a leanas na leithdháiltí:
- €54,509 do shuiteáil príomhphíopa i Rinn Ghearróige, Scéim Bheag Uisce Poiblí (TC An Tulach)
- €33,124 do phríomhphíopa nua i Fishers Cross – Dún Déide, Scéim Bheag Uisce Poiblí (TC Ráth an Bharraigh).
- €33,065 d’uasghrádú caidéil i Lake Cross, Scéim Bheag Uisce Poiblí (TC An Sciobairín (Tuath)).
- €49,795 do phríomhphíopa nua i gCúil na nGarrán, Scéim Bheag Uisce Poiblí (TC An Sciobairín (Tuath)).
- €23,724 do phríomhphíopa nua in An Chruach, An Scoil, Scéim Bheag Uisce Poiblí (TC An Scoil).
- €60,151 do phríomhphíopa nua sa Chom – Átha Solas Céim 1, Scéim Bheag Uisce Poiblí (TC An Sciobairín (Tuath)).
- €65,350 do phríomhphíopa nua sa Chom – Átha Solas Céim 2, Scéim Bheag Uisce Poiblí (TC An Sciobairín (Tuath)).
- €42,227 do shuiteáil príomhphíopa in Dhá Dhrom, Scéim Bheag Uisce Poiblí (TC Dhá Dhrom).
- €68,822 d’uasghrádú an phríomhphíopa in Ard Gaotháin, Cloich na Coillte , Scéim Bheag Uisce Poiblí (TC Mainisir ó mBamhna).
- €31,338 do Scéim Séarachais Lios Maghair (Gréasán Bailithe), Scéim Bheag Uisce Poiblí (TC Crois an Bháin, Ceann Toirc & Cnoc na hEorna).
- €267,864 d’uasghrádú sholáthar uisce – Céim 2 – Bhaile Chaisleáin Bhéarra, Scéim Bheag Uisce Poiblí (ED Cill Eacha Naoineach).
Fágann seo go bhfuil maoiniú CLÁR ceadaithe do 41 scéim bheag uisce poiblí agus séarachais i gContae Chorcaí faoin scéim seo ó 2002 go dtí seo. Beifear ábalta oibreacha ar fiú €1,459,940 iad a chur i gcrích.
Tá maoiniú reatha CLÁR do scéim bheag uisce agus séarachais phoiblí i limistéar CLÁR mar seo a leanas:
- Uasmhéid 50% ó CLÁR.
- Uasmhéid 25% ó leithdháileadh scéimeanna beaga uisce agus séarachais na Roinne Comhshaoil, Oidhreachta agus Rialtais Áitiúil.
- Ar a laghad 25% ón Údarás Áitiúil agus/nó ó Ranníocaíocht Phríobháideach.
Ciallóidh seo go mbeifear ábalta go leor scéimeanna beaga uisce agus séarachais poiblí a fhorbairt faoin gclár i mbailte agus i sráidbhailte beaga i limistéir CLÁR.
Wed, 16 Apr 2008 16:30:49 BST