Department of Community, Equality and Gaeltacht Affairs

Údarás na Gaeltachta

Príomhchúram

Tá sé mar phríomhchúram ar Údarás na Gaeltachta eacnamaíocht na Gaeltachta a fhorbairt chun caomhnú agus saibhriú na Gaeilge mar phríomhtheanga inti a threisiú.  Lena chuspóirí a bhaint amach, leanann Údarás na Gaeltachta, a bunaíodh i 1980, aidhmeanna stráitéiseacha sna réimsí forbairt tionscail, forbairt réigiúnach agus forbairt daonacmhainní.  Tá an tÚdarás bainteach chomh maith le gníomhaíochtaí forbartha pobail, cultúrtha agus teanga.  Tá nasc go dtí suíomh an Údaráis féin ag www.udaras.ie

Maoiniú

Cuireann an Roinn Gnóthaí Pobail, Comhionannais agus Gaeltachta deontais ar fáil d'Údarás na Gaeltachta gach bliain.  Is é an soláthar iomlán i 2009 ná €35.635m briste síos mar seo a leanas:

•  €19.65m   - caiteachas caipitil
•  €4.185m   - caiteachas reatha agus 
•  €11.8m     - riarachán.

Anuas air seo, déanfar infheistíocht bhreise, nach ón státchiste í, ó fhoinsí eile an Údaráis (e.g., ioncam ó chíos, seirbhísí comhairleoireachta, díol maoine, cistí an Aontais Eorpaigh, etc.). 

Fostaíocht

Ag deireadh na bliana 2008 i bhfiontair a fhaigheann tacaíocht ón Údarás, bhí: 

• 8,193 duine fostaithe i bpoist comhshuimithe mar phoist lánaimseartha.